Archifau Categori: Dyfodol

Papur Gwyn Anghenion Dysgu Ychwanegol

Ateb

Wrth ymateb i Bapur Gwyn Llywodraeth Cymru ar Anghenion Dysgu Ychwanegol (ADY) mae mudiad Dyfodol i’r Iaith wedi mynegi siom dirfawr nad oes prin ddim cyfeiriad at y Gymraeg yn y ddogfen. Mae Dyfodol wedi cynnig sawl awgrym adeiladol am sut y gellir cynnwys y Gymraeg yn y Bil Anghenion Dysgu Ychwanegol er mwyn sicrhau bod plant a phobl ifanc yn cael y gefnogaeth sydd ei angen arnyn nhw. Ymhlith awgrymiadau Dyfodol mae:

  • Cynnwys cymal ar wyneb y Bil yn sicrhau hawl plentyn / person ifanc i gael cefnogaeth yn y Gymraeg
  • Cynnwys adran yn y Cynllun Datblygu Unigol (CDU) yn amlinellu ym mha iaith y dylid darparu cefnogaeth
  • Cynnwys cymal yn y Bil yn rhoi dyletswydd ar awdurdodau lleol, byrddau iechyd a cholegau addysg bellach i gydweithio a rhannu gwybodaeth yn y Gymraeg pan fo galw am hynny
  •  Cynnwys gofynion gorfodol parthed y Gymraeg yn y Cod Ymarfer gan gynnwys:
    • hawl y plant/pobl ifanc a’u teuluoedd i gael trafod y CDU yn y Gymraeg, ar unrhyw adeg yn y broses (llunio, adolygu ac ati)
    • hawl i ddarpariaeth arbenigol cyfrwng Cymraeg (0-25 oed) a sicrhau dilyniant ieithyddol
    • hawl i wneud a gwrando apêl yn y Gymraeg (drwy brosesau lleol a gerbron y Tribiwnlys)
    • darpariaethau ynghylch y Gymraeg mewn perthynas â chydweithio aml-asiantaeth
    • darpariaethau ar gyfer cynllunio’r gweithlu i sicrhau cyflenwad digonol o arbenigwyr sy’n siarad Cymraeg
    • eiriolaeth annibynnol yn y Gymraeg

Mae Dyfodol i’r Iaith hefyd yn argymell y dylai’r Coleg Cymraeg Cenedlaethol weithio gyda Llywodraeth Cymru i adnabod lle mae prinder staff cymwys i weithio ym maes ADY yn y Gymraeg a darparu cyrsiau hyfforddiant pwrpasol yn y meysydd hyn. Mae hefyd angen i Estyn gael y pwer i arolygu sut mae awdurdodau lleol yn darparu cefnogaeth i blant a phobl ifanc ag ADY yn y Gymraeg ac adrodd ar unrhyw fethiannau i ddarparu cefnogaeth. Ymateb Papur Gwyn Anghenion Dysgu Ychwanegol

Dyfodol yn yr Eisteddfod

Ateb

Unwaith eto eleni fe fydd gan Dyfodol i’r Iaith stondin ar faes y Brifwyl yn Llanelli gyda rhaglen lawn o weithgareddau i bawb o bob oedran! Bydd gyda ni stondin ddwbl felly digon o le i alw draw am sgwrs a phaned. Bydd yna weithgareddau i’r plant bob dydd, gan gynnwys creu plethbethau – looms bands – coch, gwyn a gwyrdd. Bydd Ynyr Llwyd hefyd yn galw draw i ganu ambell gân. Hefyd bydd sgyrsiau anffurfiol am bynciau llosg y dydd gyda nifer o arbenigwyr yn eu meysydd.

Dyma’r rhaglen yn llawn:

PABELL Y CYMDEITHASAU 2

Dydd Iau, Awst 7fed                      11:30 – 12:30

Cynllunio Iaith yn Sirol: Sir Gâr a Chymru

Siaradwr: Cefin Campbell

AR Y STONDIN (313-314)

 Dydd Llun, Awst 4ydd      11:30 – 12:00

Sgwrs a phaned  – Bil Llesiant Cenedlaethau’r Dyfodol gyda

Dr Einir Young, Prifysgol Bangor

 Dydd Mercher, Awst 6ed  11:30 – 12:00

Sgwrs a phaned – y Gymraeg mewn Busnes – profiad un cwmni

Myrddin ap Dafydd, Cwrw Llŷn

 Dydd Gwener, Awst 8fed 14:00 – 14:30

Sgwrs a phaned – Papur Gwyn ar Anghenion Dysgu Ychwanegol gyda

Dr Elin Walker Jones ac Elin Wyn

Dydd Llun Awst 4ydd am 14:00 a Dydd Iau Awst 7fed am 15:00

Ambell gân gan Ynyr Llwyd

Bob dydd ar y stondin:

Cyfle i greu plethbethau (loom bands); cylch allweddi;

Bawd Lan i’r Dyfodol.

Cynllun Datblygu Lleol Gwynedd a Môn

Ateb

Mae yna bryder mawr parthed Cynllun Datblygu Lleol Môn a Gwynedd ar y cyd. Mae’r ddwy sir yn sôn am roi caniatâd amlinellol i yn agos at 8,000 o dai dros y 15 mlynedd nesaf. Bu Dyfodol i’r Iaith yn llythyru’r awdurdod er mwyn cwestiynu’r datblygiad yma ac amlinellu yr effaith negyddol ar sefyllfa’r Gymraeg fel iaith gymunedol yn y Gogledd Orllewin. Ar Orffennaf y 9fed bu dirprwyaeth o Dyfodol, Seimon Brooks, Meirion Davies a Gwion Owain, yn cyfarfod a’r Cynghorydd Dyfed Edwards (arweinydd Cyngor Sir Gwynedd) a’r Cynghorydd John Wyn (portffolio cynllunio) i drafod y mater.

Parhau i ddarllen →