Yn y Cyfarfod Cyffredinol ym mis Tachwedd fe wnaeth yr Athro Rhys Jones o Brifysgol Aberystwyth gyflwyniad ar Ddaearyddaethau’r Gymraeg sy”n galw am fapio cymunedau er mwyn cael gwell dealltwriaeth o le’r Gymraeg yn ein cymunedau.
Mae’r cyflwyniad i’w weld yma:
Mae’r Aelod Cynulliad Darren Millar yn bwriadu cyflwyno cyfraith newydd yng Nghymru fydd yn mynd i’r afael a phryderon ynghylch rheoli a rheoleiddio meysydd carafannau gwyliau .
Rhaid cyflwyno’r Bil Meysydd Carafannau Gwyliau (Cymru) cyn mis Mawrth 2014 ac mae Darren Millar yn awyddus i glywed barn ystod eang o fudiadau ac unigolion er mwyn iddyn nhw fedru dylanwadu ar gynnwys y Bil.
Gan bod meysydd carafannau gwyliau yn fater sy’n achosi pryder mawr mewn nifer o ardaloedd sy’n gadarnleoedd Cymraeg, penderfynodd Dyfodol gyflwyno ymateb yn canolbwyntio ar effaith diffyg rheoleiddio carafannau ar y Gymraeg.
Mae’r ymadrodd ‘datblygu cynaliadwy’ yn deillio o’r mudiad amgylcheddol. Ymgais yw i geisio sefydlu egwyddor sy’n sicrhau nad yw twf economaidd yn digwydd ar draul yr amgylchedd naturiol. Ond mae’n ymadrodd sydd hefyd wedi cael defnydd ehangach mewn cyd-destunau eraill lle ofnir bod datblygu yn digwydd ar draul rhywbeth y dymunir ei gynnal megis cyfiawnder, tegwch cymdeithasol, diwylliant – ac wrth gwrs iaith leiafrifol.
Cafodd papur gwyn Llywodraeth Cymru am fil datblygu cynaliadwy ei feirniadu’n hallt am nad oes sôn ynddo am yr iaith Gymraeg. Ac yn sgil canlyniadau cyfrifiad 2011, lle gwelwyd cwymp sylweddol yng nghanrannau’r nifer sy’n siarad Cymraeg yn y siroedd hynny a ystyrir yn gadarnleoedd yr iaith, cafwyd galwadau pellach i fynnu lle teilwng i’r Gymraeg yn y bil. Parhau i ddarllen