Mae Dyfodol i’r Iaith yn cynnal dau gyfarfod cyhoeddus yng ngogledd Cymru yn ystod ym mis Ebrill.
Fe fydd yr Athro Richard Wyn Jones o Ganolfan Llywodraethiant Cymru, sydd hefyd yn aelod o Fwrdd Dyfodol, yn annerch yn y ddau gyfarfod
Mae cyfarfod Bangor yn cael ei gynnal yng Nghapel Berea Newydd, ar nos Fawrth y 29ain o Ebrill am 7pm
Bydd cyfarfod Dinbych ym Melin Brwcws ar nos Fercher y 30ain o Ebrill am 7.30pm
Croeso i bawb – yn aelodau a darpar aelodau!
Mae Dyfodol i’r Iaith yn falch iawn bod dros 1,800 o bobl wedi arwyddo ein deiseb yn y Cynulliad Cenedlaethol yn cefnogi gwaith holl Fentrau Iaith Cymru.
Cafodd y ddeiseb ei chyflwyno i Gadeirydd y Pwyllgor Deisebau, William Powell AC, ar ddydd Mercher yr 2il o Ebrill gan Elin Maher o Fenter Iaith Casnewydd ac Emily Cole o Fentrau Iaith Cymru.
William Powell AC, Elin Maher, Emily Cole, Russell George AC
Penderfynodd Dyfodol i’r Iaith fynd ati i baratoi’r ddeiseb mewn ymateb i’r adroddiad annibynnol a gyhoeddwyd gan Brifysgol Caerdydd am waith y Mentrau yn gynharach eleni. Roedd yr adroddiad hwnnw yn dweud y dylai gwaith pwysig y Mentrau barhau a datblygu ond nad yw’r Mentrau’n cael eu hariannu’n deg nac yn ddigonol i weithredu i’w potensial llawn.
Gallwch ddarllen datganiad Mentrau Iaith Cymru yn croesawu cefnogaeth Dyfodol i’r Iaith yma. Datganiad Mentrau Iaith Cymru