Archifau Blynyddol: 2013

Cyfarfod Cyffredinol

Ateb
Cynhelir Cyfarfod Cyhoeddus gan Dyfodol, ar fore Sadwrn, 23ain Tachwedd am 11 o’r gloch yng Nghanolfan Merched y Wawr, Aberystwyth.
Prif siaradwyr y cyfarfod fydd yr Athro Rhys Jones o Brifysgol Aberystwyth ag Eifion Bowen, Pennaeth Cynllunio Sir Gaerfyrddin a thema’r cyfarfod fydd ‘Cynllunio a’r TAN 20 Newydd’. Cadeirydd y cyfarfod fydd Heini Gruffudd. Croeso cynnes i bawb.

 Ar ôl toriad am ginio, fe gynhelir cyfarfod blynyddol Dyfodol am 1.30yp yn yr un lleoliad a’r uchod. Bydd cinio ar gael yng Nghanolfan Merched y Wawr, am £4 a bydd angen archebu cinio ymlaen llaw. Os ydych am ginio a wnewch chi rhoi gwybod i mi mor fuan â phosib os gwelwch yn dda. Cysylltwch a [email protected]

 

Meysydd Carafannau Gwyliau

Ateb

Mae’r Aelod Cynulliad Darren Millar yn bwriadu cyflwyno cyfraith newydd yng Nghymru fydd yn mynd i’r afael a phryderon  ynghylch rheoli a rheoleiddio meysydd carafannau gwyliau .

Rhaid cyflwyno’r Bil Meysydd Carafannau Gwyliau (Cymru) cyn mis Mawrth 2014 ac mae Darren Millar yn awyddus i glywed barn ystod eang o fudiadau ac unigolion er mwyn iddyn nhw fedru dylanwadu ar gynnwys y Bil.

Gan bod meysydd carafannau gwyliau yn fater sy’n achosi pryder mawr mewn nifer o ardaloedd sy’n gadarnleoedd Cymraeg,  penderfynodd Dyfodol gyflwyno ymateb yn canolbwyntio ar effaith diffyg rheoleiddio carafannau ar y Gymraeg.

Ymateb Dyfodol i’r Bil Meysydd Carafannau

Cymunedau Cymraeg

Ateb

Yn 2012  sefydlodd LLywodraeth Cymru Grwp Gorchwyl a Gorffen Cymunedau Cymraeg gyda’r nod o lunio cynllun i gynyddu’r nifer o gymunedau lle mae’r Gymraeg yn brif iaith.

Dr Rhodri Llwyd Morgan yw cadeirydd y Grwp ac mae hefyd yn cynnwys

  • Sali Burns
  • Dyfed Edwards
  • Owain Gruffydd
  • Lynne Reynolds
  • Elin Rhys
  • Yr Athro Elan Closs Stephens

Mae’r Grwp wedi galw am dystiolaeth i’w helpu yn eu gwaith ac mae Dyfodol wedi cyflwyno ymateb i’r Grwp Ymateb Dyfodol i’r Grwp Gorchwyl a Gorffen Cymunedau Cymraeg