Mae mudiad iaith Dyfodol yn croesawu’r ffaith mai’r Prif Weinidog, Carwyn Jones fydd bellach yn gyfrifol am yr iaith Gymraeg yn Llywodraeth Cymru.  Fe fydd hyn yn rhoi statws i’r iaith ar draws holl waith y llywodraeth. Mae Dyfodol yn gobeithio y bydd y Prif Weinidog yn rhoi arweiniad i’w weinidogion yn y cabinet parthed yr iaith.

Dywedodd Cadeirydd Dyfodol, Heini Gruffudd, “Mae angen ystyried lle’r iaith Gymraeg ar draws pob un o feysydd gwaith y llywodraeth, o’r economi i gynllunio, o addysg i iechyd, o dai i gymunedau.  O roi cyfrifoldeb am y Gymraeg o fewn swyddfa’r Prif Weinidog rydym yn ffyddiog y bydd yr iaith yn cael sylw teilwng.”

Mae Dyfodol yn edrych mlaen i drefnu cyfarfod buan gyda Carwyn Jones i drafod materion yn ymwneud a’r iaith Gymraeg.